Scratch-уваме за Нинтендо свич!

НАУКА ЗА ДЕЦА ви го претставува новогодишниот програмерски натпревар!

На овој натпревар, не само што можеш да научиш како се програмираат компјутерски игри во Scratch, туку можеш и да освоиш вредна награда ако направиш своја игра и учествуваш во натпреварот!

Искористи го зимскиот распуст за да научиш нова кул вештина и веќе си потенцијален добитник на Nintendo Switch.

Како да научам да програмирам игри во Scratch?

До серијата лекции за програмирање што ја подготвивме со помош на студентите од ФИНКИ можеш да пристапиш на следниов линк: https://naukazadeca.mk/programs.php

Со помош на илустративните видеа, ќе научиш што е програмирање и како се кодираат компјутерски игри во Scratch.

До кога трае натпреварот?

Натпреварот трае до 15 февруари 2022 година во 23:59 .

Како да учествувам во натпреварот?

• 1. Испрограмирај во Scratch твоја интересна игра во која главен лик ќе биде нашата маскота Хекси. Слики од Хекси можеш да симнеш овде.
  
  ПОМОШ: Додека трае натпреварот, следи ја нашата Фејсбук-страница каде што ќе објавуваме примери за игри. Од нив можеш да научиш некоја нова програмерска „финта“ или да добиеш инспирација за твојата игра.
  
  НАПОМЕНА: Во ред е да се копираат идеи, но за да победиш ќе мораш да бидеш што пооригинален:)
• 2. Сподели видео со „gameplay“ од твојата игра на било која јавна социјална мрежа (Twitch, Facebook, Instagram, Twitter, YouTube, TikTok..) со хаштаговите #НаукаЗаДеца #СкречЗаСвич
• 3. Испрати меил до anita@kantarot.mk со
  
  • а) линк до споделеното видео од точка 2
  • б) линк до Scratch проектот каде што живее играта

ВАЖНО: Споделување на Scratch проекти е можно само ако си регистриран корисник на Scratch. Како можеш да се регистрираш, како се зачувуваат игрите и како тие се споделуваат, ќе дознаеш во следниве видеа:

Натпреварот е отворен до 15 февруари во 23:59. Доколку имаш дополнителни прашања во врска со натпреварот, прати ни е-маил нa anita@kantarot.mk.

Доделување на наградите од нашиот научен тим

Научниците од нашиот тим детално ќе ги разгледаат сите игри што ќе учествуваат на наградниот натпревар. На 28 февруари 2022 година (понеделник) НАУКА ЗА ДЕЦА ќе ги објави резултатите од наградниот натпревар.